സമയം അര്ദ്ധരാത്രിയോടടുക്കുകയായിരുന്നു. ആകാശം പൊടുന്നനെ മേഘാവൃതമായി. ഒരീറന് കാറ്റ് തെങ്ങോലത്തലപ്പുകളെ ഉലച്ചു കൊണ്ട് കടന്നു പോയി. കടലിരംബത്തിന്റെ താളത്തില് ഗാഡ നിദ്രയിലാണ്ടിരിക്കുകയായിരുന്നു ആ തുറമുഖ നഗരം. നഗരത്തില് നിന്നും അല്പമകലെ മാറി ഉള്കടലില് നീങ്ങിക്കൊണ്ടിരുന്ന ഒരു ഫിഷിംഗ് ട്രോളറിന്റെ ഡെക്കില് നിന്ന് ചക്രവാളത്തില് നടക്കുന്ന മഴയുടെ പടയൊരുക്കം നിരീക്ഷിക്കുകയായിരുന്നു അലക്സ്. ഒലിവ് ഗ്രീന് ബുഷ് ഷര്ട്ടും ജീന്സും പരുക്കന് ലെതെര് ബൂട്ടുമാണ് ആയാളുടെ വേഷം. ഒരാഴ്ചയോളം വളര്ച്ചയുള്ള താടി, കടല്കാറ്റില് അലസമായി പാറുന്ന ചീകിയൊതുക്കാത്ത മുടി. മഴ പാറിത്തുടങ്ങിയപ്പോള് അയാള് പോക്കെറ്റില് നിന്നും ഒരു ബോളിവര് സിഗാര് പുറത്തെടുത്തു തീ കൊടുത്തു. ക്യുബന് സിഗാറിന്റെ ഗന്ധം ബോട്ടില് പരന്നു. മഴക്കോട്ടുമായി മുസ്തഫ ഡെക്കില് എത്തിയപ്പോള് നൈറ്റ്വിഷന് സംവിധാനമുള്ള ബൈനോകുലേഴ്സ്സിലൂടെ പുകമഞ്ഞിന്റെ പിന്നിലെ കാഴ്ചകള് പിടിചെടുക്കുവനുള്ള ശ്രമത്തിലായിരുന്നു അലക്സ്. "നശിച്ച മഴ എല്ലാം തുലക്കുമെന്നാണ് തോന്നുന്നത്" മുസ്തഫയുടെ വാക്കുകളില് ആശങ്കയുടെ നിഴലാട്ടം ഉണ്ടായിരുന്നെങ്കിലും അലെക്സില്തു പ്രതേക ഭാവവ്യത്യാസമൊന്നും ഉണ്ടാക്കിയില്ല. കെട്ട് പോയ സിഗാര് വീണ്ടും കത്തിക്കാനുള്ള ശ്രമത്തിനിടയിലാണ് അയാളുടെ സാറ്റലൈറ്റ്ഫോണിലേക്ക് ഒരു കാള് വന്നതു. അയാളുടെ മുഖ ഭാവത്തില് നിന്നും ഗൗരവതരമായ എന്തോ ആണെന്ന് മാത്രമേ മുസ്തഫയ്ക്ക് ഊഹിക്കാന് കഴിഞ്ഞുള്ളൂ. "മുസ്തഫാ ഒരു ചെറിയ പ്രോബ്ലം , നമ്മുടെ നീക്കങ്ങലെക്കുറിച്ച് കസ്റ്റംസില് വിവരം ലഭിച്ചിരിക്കുന്നു കോസ്റ്റ് ഗാര്ഡുമായി ചേര്ന്ന് ഒരു കോമ്പിംഗ് ഓപ്പറേഷന് പ്ലാന് ചെയ്തിരിക്കുകായണവര് , കസ്റ്റംസില് നിന്നും നമുക്ക് വേണ്ടപ്പെട്ട ഒരാള് തന്ന ഇന്ഫോര്മെഷനാണ് തെറ്റാകാന് വഴിയില്ല" "ഓക്കേ എന്താണ് നമ്മുടെ പ്ലാന് " ആകാംഷയോടെയാണ് മുസ്തഫയുടെ ചോദ്യം " വരട്ടേ പറയാം നീയാദ്യം ബോട്ടില് ഉള്ള നമ്മുടെആളുകളെ അറിയിക്കുക" മുസ്തഫ തന്റെ ദ്യൌത്യ നിര്വഹണം
നടത്തി ഡെക്കിലേക്ക് മടങ്ങി വന്നപ്പോഴേക്കും. തന്റെ ദൂരദര്ശിനിയുടെ വ്യൂ ഫൈന്ഡറില് അലക്സ് അപകടം കണ്ടു. "മുസ്തഫ അവര് അടുത്തുകൊണ്ടിരിക്കുകയാണ് , ഇപ്പോളൊരു ഏറ്റുമുട്ടല് ബുദ്ധിയാണ് എന്നെനിക്കു തോന്നുന്നില്ല, അതുമാത്രമല്ല ഇത്രയധികം ബോട്ടുകളുടെ ഇടയില് നിന്നും നമ്മളെ പെട്ടെന്ന് തിരിച്ചറിയുക എളുപ്പമല്ല. അവര്ക്ക് നമ്മള് ഒരു സാധാരണഫിഷിംഗ് ട്രോളര്
മാത്രമാണ് അതായത് അസാധാരണമായി എന്തെങ്ങിലും ഉള്ളതായി നമ്മള് ഒരു സൂചനയും കൊടുക്കരുതെന്ന് സാരം, ബാക്കി ഞാന് ചെയ്തു കൊള്ളാം" മുസ്തഫയ്ക്ക് വേണ്ട നിര്ദേശങ്ങള് കൊടുത്ത് കഴിഞ്ഞപ്പോഴേക്കും അലക്സ് തന്റെ ഡൈവിംഗ് സൂട്ട് ധരിച്ചു കഴിഞ്ഞിരുന്നു. നിമിഷങ്ങള്ക്കുള്ളില് അയാള് ബോട്ടിനോട് ബന്ധിച്ചിരുന്ന ജെറ്റ് സ്കിയില് പ്രവേശിച്ചു, ഒരാള്ക്ക് മാത്രം സഞ്ചരിക്കാവുന്ന ഹാന്റില് കൊണ്ട് നിയന്ത്രിക്കാവുന്ന ഒരു വാട്ടര് സ്കൂട്ടര് അലെങ്കില് വളരെ ചെറിയ ഒരു സ്പീഡ് ബോട്ട് താണ് ഒരു ജെറ്റ് സ്കി. എഞ്ചിന് സ്ടാര്ട്ടു ചെയ് തു നിമിഷങ്ങള്ക്കുള്ളില് ട്രാക്കില് കുതിക്കുന്ന റേസിംഗ് ബൈക് പോല പറപറന്നു സ്കി.
മഴമേഘങ്ങള് ചാര്ത്തിയ നിഴലിന്റെ മറപറ്റി അര്ദ്ധ വൃത്താകാരത്തില് ഒരു വ്യുഹമായി നീങ്ങുന്ന കസ്റ്റംസ് ബോട്ടുകളുടെ മദ്ധ്യത്തിലെക്കാന് അലക്സ് ചെന്നെത്തിയത്. പദ്മവ്യുഹത്തിലകപ്പെട്ട അഭിമന്യുവിനപ്പോലെയായി അയാളിപ്പോള് , നിമിഷമാത്രയില് സമനില വീണ്ടെടുത്ത അയാള് പദ്മ വ്യുഹത്തെ ഭേദിച്ചു സ്കിയുമായി മുന്നോട്ടു കുതിച്ചു. തിരമാലകളുടെ നിമ്നോന്നതങ്ങളില് അനായാസമായി സഞ്ചരിക്കുന്ന സ്കിയില് നിന്ന് അലക്സ് തിരിഞ്ഞു നോക്കി, കസ്റ്റംസ് ബോട്ടുകള് എല്ലാം ഇപ്പോള് അയ്യാളുടെ പുറകെയാണ്, അയ്യാളുടെ ചുണ്ടില് ഒരു ചെറു ചിരി വിടര്ന്നു. ഉള്ക്കടലിലെ ഈ മല്സരപ്പാച്ചില് ഏകദേശം രണ്ടു കിലോമീറ്റര് പിന്നിട്ടു കഴിഞ്ഞതോടെ അലക്സ് സ്കിയുടെ വേഗത ഒന്നുകൂടി വര്ദ്ധിപ്പിച്ചു. സ്കി ഇപ്പോള് കരയെ ലക്ഷ്യമാക്കിയാണ് കുതിക്കുന്നത്. കസ്റ്റംസ് ബോട്ടുകളും ഇപ്പോള് അതെ ലക്ഷ്യത്തിലേക്കാണ് നീങ്ങുന്നത്. അപ്രതീക്ഷിതമായതാണ് പിന്നീടുണ്ടായത് കരയില് നിന്നും ഏകദേശം അമ്പതു മീറ്റര് അകലെ വെച്ചു സ്കി പൊടുന്നനെ ചലനരഹിതമായി. അലക്സ് പിന്നിലേക്ക് നോക്കി, കസ്റ്റംസ് ബോട്ടുകള് ഇരംമ്പിയടുക്കുകയാണ്.
No comments:
Post a Comment